Ákvæðisvinnugrundvöllur rafiðna er hluti af kjarasamningi milli Rafiðnaðarsambands Íslands (RSI) og SART-Samtaka rafverktaka. Ákvæðisvinnustofa rafiðna hefur umsjón með framkvæmd hans í umboði samtakanna.

Ákvæðisvinnunefnd rafiðna fer með stjórn Ákvæðisvinnustofunnar. Nefndin er skipuð eftirtöldum aðilum:

Frá RSÍ:

• Andri Reyr Haraldsson, aðalmaður
• Aron Líndal Ágústsson, aðalmaður
• Andri Már Þorvarðarson, varamaður
• Sigurður Freyr Kristinsson, varamaður

Frá SART:

• Kristbjörn Óli Guðmundsson, aðalmaður
• Sigurður Svavarsson, aðalmaður
• Sigurjón Hólm Magnússon, varamaður

Ákvæðisvinna

Ákvæðisvinnugrunnur er fyrir fram ákveðin tími fyrir ákveðið handverk, eins og að setja upp ljós , setja upp lagnaleiðir, tengja raflagnabúnað o.sv.frv. 

Úr verður listi með tímaeiningum þar sem hægt er að telja einingafjölda fyrir unnin verk og margfalda með einingarverði sveina samkvæmt kjarasamning, til þess að sjá útkomu kostnaðar á verki.

Starfsfólk í ákvæðisvinnu

Starfsfólk er á sínum grunn mánaðarlaunum en getur aukið mánaðarlegar tekjur sínar í ákvæðisvinnu með því að skipuleggja vel sína vinnu og nota vinnudaginn sinn vel, hvort sem er í hóp þar sem skipt er hagnaði að verki loknu eða einsamalt í tilteknu verkefni.

Rafverktakar með ákvæðisvinnu

Ákvæðisvinnugrunnurinn nýtist rafverktökum við tilboðsgerð. Áhugi starfsfólks fyrir verkefnunum eykst og rannsóknir sýna að veikindadögum starfsfólks fækkar ásamt því að verkefnum getur lokið á undan áætlun svo hægt er að fara fyrr í önnur verkefni.

Til þess að sækja um aðgang að rafrænum ákvæðisgrunni er hægt að senda okkur tölvupóst eða hafa beint samband við Ákvæðisvinnustofuna í síma 660-5510

Í app útgáfu af Ákvæðisvinnukerfinu er hægt að skrá ákvæðisvinnu, skoða Ákvæðisvinnugrunninn og skoða kynningarmyndbönd.

Appið er opnað í netvafra með því að velja Opna app... á heimasíðunni í stað þess að velja Opna...

Undir ? eru leiðbeiningar um hvernig hægt er að setja upp hnapp fyrir appið í snjallsíma eða spjaldtölvu.

Hér má finna ýmsar upplýsingar varðandi ákvæðisvinnu.

Útbúin hafa verið kynningamyndbönd um notkun kerfisins. Þau fyrstu tvö eru:

• 01 Inngangur: https://youtu.be/HmpLv0bpt2w
• 02 Innskráning: https://youtu.be/7AMGpFlROEk

Frekari upplýsingar er að finna í eftirtöldum skjölum:

• Skjöl